FC Prishtina ka debutuar në formë të tmerrshme në arenën ndërkombëtare.

Skuadra nga kryeqyteti i Kosovës regjistroi një humbje me rezultat të thellë 5 me 0 në ndeshjen e zhvilluar si mysafirë kundër Norrkopingut e vlefshme për raundin e parë kualifikues në Evropa Ligë, shkruan portali arbresh.info.

Klubi nën udhëheqjen e Arsim Thaçit pranoi pesë gola vetëm gjatë 45 minutave lojë në stadiumin Idrotssparken në Suedi. David Moberg Karlsson shënoi golin e epërsisë në minutën e 10′, ndërsa Sebastian Andersson (24′), Niclas Eliasson (26′) dhe Karl Holmberg (31′) (40′) ishin autorët e katër golave të tjerë.

Prishtina u tregua më e kujdesshme gjatë pjesës së dytë, por dështoi për të realizuar ndonjë gol duke lënë pak shpresa për takimin tjetër si nikoqir.

Ndeshja kthyese zhvillohet më 6 korrik në stadiumin “Adem Jashari” në Mitrovicë.

Fituesi do të luaj kundër St Johnstone të Skocisë ose Trakait të Lituanisë në raundin e dytë të ndeshjeve kualifikuese./arbresh.info